တန်ဖိုးအမြင့်ဆုံးကုန်အမှတ်တံဆိမ်၁၀ခု

တန်ဖိုးအမြင့်ဆုံးကုန်အမှတ်တံဆိမ်၁၀ခု

Brand လို့ခေါ်ကြတဲ့ ကုန်အမှတ်တံဆိပ်တွေကို ဈေးကွက်ရှာဖွေရေး၊ စီးပွားရေးလုပ်ငန်းတွေနဲ့ ကြော်ငြာတွေမှာ သုံးလေ့ရှိပါတယ်။ ကုန်အမှတ်တံဆိပ်တွေဟာ ထုတ်ကုန်ပစ္စည်းတစ်ခုခုကို အခြားတစ်ခုနဲ့ကွဲပြားခြားနားသွား စေတဲ့ သင်္ကေတအမှတ်လက္ခဏာတစ်ခုဖြစ်ပြီး စီးပွားရေးလုပ်ငန်းတစ်ခုခုအတွက် အခိုင်အမာရပ်တည်ပေးတဲ့ အမှတ်အသားတစ်ခုလည်းဖြစ်ပါတယ်။ အခုအောက်မှာဖော်ပြထားတဲ့ ကုန်အမှတ်တံဆိပ်တွေကတော့ ပြီးခဲ့တဲ့ ၂၀၁၄ ခုနှစ်မှာ ကောက်ယူခဲ့တဲ့ စစ်တမ်းတွေအရ ကမ္ဘာမှာ တန်ဖိုးအမြင့်ဆုံး ကုန်အမှတ်တံဆိပ် (၁၀)ခုပဲ ဖြစ် ပါတယ်။

၁။ GOOGLE
Google ဟာ အင်တာနက်နဲ့ဆက်စပ်တဲ့ ၀န်ဆောင်မှုတွေကို အထူးပြုတဲ့ အမေရိကန်အခြေစိုက်လုပ်ငန်းစုကြီး တစ်ခုဖြစ်ပါတယ်။ Google ဟာ ပြီးခဲ့တဲ့ ၂၀၁၄ ခုနှစ်မှာ ကမ္ဘာတန်ဖိုးအမြင့်ဆုံး ကုန်အမှတ်တံဆိပ်(၁၀၀) စာရင်းမှာ (၃)နှစ်ဆက်တိုက် ရပ်တည်နေနိုင်ခဲ့တဲ့ Apple ကို ကျော်တက်ပြီး ကမ္ဘာဈေးအကြီးဆုံးကုန်အမှတ် တံဆိပ်ဖြစ်လာခဲ့တာဖြစ်ပါတယ်။ Google ရဲ့တိုးတက်မှုက (၄၀)ရာခိုင်နှုန်းရှိပြီး ကုန်အမှတ်တံဆိပ်တန်ဖိုး အမေရိကန်ဒေါ်လာ ၁၅၈၈၄၃ သန်း ရှိပါတယ်။

၂။ Apple
Apple ကုမ္ပဏီဟာလည်း ကွန်ပျူတာနဲ့ အခြားအီလက်ထရောနစ်ပစ္စည်တွေ၊ operating system တွေနဲ့ Application software တွေ ထုတ်လုပ်တဲ့ အမေရိကန် အခြေစိုက် ကုမ္ပဏီတစ်ခုဖြစ်ပါတယ်။ Apple ကုမ္ပဏီဟာ ၁၉၇၀ ပြည့်နှစ်တွေလောက်မှာ ပထမဆုံးအိမ်သုံးကွန်ပျူတာတွေကို ထုတ်လုပ်ရောင်းချခဲ့တဲ့ ကုမ္ပဏီလည်း ဖြစ်ပြီး ကွန်ပျူတာတွေရဲ့ ဂရပ်ဖစ်စနစ်နဲ့ Mouse တို့ကို စတင်မိတ်ဆက်ပေးခဲ့တဲ့ ကုမ္ပဏီလည်း ဖြစ်ပါတယ်။ အခုဆိုရင်တော့ Apple ကုမ္ပဏီရဲ့ ကုန်အမှတ်တံဆိပ်တန်ဖိုးဟာ အမေရိကန်ဒေါ်လာ ၁၄၇၈၈၀ သန်း ရှိနေပြီဖြစ်ပါတယ်။

၃။ IBM
IBM ကုမ္ပဏီကတော့ အိုင်တီနယ်ပယ်ရဲ့ hardware၊ software နဲ့ ၀န်ဆောင်မှုပိုင်းတွေမှာ ကမ္ဘာရှေ့ဆောင် ကုမ္ပဏီကြီးတစ်ခုဖြစ်သလို အိုင်တီပစ္စည်းအရောင်းပိုင်းမှာလည်း အကြီးဆုံးတိုင်ပင်ခံကုမ္ပဏီတွေထဲက တစ်ခုဖြစ်ပါတယ်။ ဒါ့အပြင် ကမ္ဘာ့တတိယအကြီးဆုံး software ကုမ္ပဏီကြီးလည်းဖြစ်ပါတယ်။ IBM ကုမ္ပဏီရဲ့ ကုန်အမှတ်တံဆိပ်တန်ဖိုးကတော့ အမေရိကန်ဒေါ်လာ ၁၀၇၅၄၁ သန်း ရှိပါတယ်။

၎။ Microsoft
အမေရိကန်အခြေစိုက် Microsoft ကုမ္ပဏီရဲ့ ကုန်အမှတ်တံဆိပ်နာမည်ကတော့ Microsoft Windows ပဲဖြစ်ပါတယ်။ Micorsoft ကုမ္ပဏီရဲ့ Windows operating system တွေဟာ ကုမ္ပဏီတည်ထောင်သူ Bill Gates ကို ကမ္ဘာ့အချမ်းသာဆုံးဖြစ်အောင် တွန်းပို့ပေးနိုင်ခဲ့လောင်အောင် အောင်မြင်ခဲ့ပါတယ်။ Microsoft ကုမ္ပဏီရဲ့ ကုန်အမှတ်တံဆိပ်တန်ဖိုးကတော့ ဒေါ်လာ ၉၀၁၈၅ သန်း ဖြစ်ပါတယ်။

၅။ McDonald’s
McDonald’s Corporation ကတော့ fast food ရောင်းချတဲ့ စားသောက်ဆိုင်တွေနဲ့ ကမ္ဘာမှာ ထိပ်တန်း ရောင်းအား အကောင်းဆုံး fast food အရောင်းဆိုင်လုပ်ငန်းစုကြီးရဲ့ operator ပဲဖြစ်ပါတယ်။ McDonald’s ရဲ့ ကုန်အမှတ်တံဆိပ်တန်ဖိုးကတော့ အမေရိကန်ဒေါ်လာ ၈၅၇၀၆ သန်းရှိပါတယ်။

၆။ Coca-Cola
Coca-cola ဒါမှမဟုတ် Coke လို့ လူသိများတဲ့ ရောင်းအားအကောင်းဆုံး ကိုလာအချိုရည်ကုမ္ပဏီကတော့ အမေရိကန်နိုင်ငံ အတ္တလန်တာမြို့အခြေစိုက်ဖြစ်ပါတယ်။ ကိုကာကိုလာဟာ ကမ္ဘာတစ်ဝှမ်းမှာ အကြီးဆုံး အချိုရည်ထုတ်လုပ်ရောင်းချတဲ့ လုပ်ငန်းဖြစ်သလို Coca-Cola’s ဆိုတဲ့ လိုဂိုအမှတ်တံဆိပ်ဟာလည်း ကမ္ဘာမှာ ထင်ပေါ်ကျော်ကြားတဲ့ ကုန်အမှတ်တံဆိပ်တစ်ခုဖြစ်ပါတယ်။ ၄င်းရဲ့ ကုန်အမှတ်တံဆိပ်တန်ဖိုးကတော့ အမေရိကန်ဒေါ်လာ ၈၀၆၈၃ သန်း ရှိပါတယ်။

၇။ VISA
VISA.Inc ကုမ္ပဏီကတော့ အမေရိကန်အခြေစိုက်နိုင်ငံတကာငွေကြေးဝန်ဆောင်မှုလုပ်ငန်းကြီးတစ်ခု ဖြစ်ပါတယ်။ ၄င်းဟာ VISA အမှတ်တံဆိပ်ပါ အကြွေးဝယ်ကဒ်တွေ၊ Debit ကဒ်တွေကနေတဆင့် ကမ္ဘာတစ်ဝှမ်း အီလက်ထရောနစ်စနစ်နဲ့ ငွေပို့ငွေလွှဲမှုကို ၀န်ဆောင်မှုပေးလျက်ရှိနေပါတယ်။ VISA ကုမ္ပဏီရဲ့ အမှတ်တံဆိပ်တန်ဖိုးကတော့ ဒေါ်လာ ၇၉၁၉၇ သန်းရှိပါတယ်။

၈။ AT&T
AT&T Inc ကတော့ အမေရိကန်အခြေစိုက် တယ်လီကွန်မျူနီကေးရှင်းလုပ်ငန်းစုကြီးဖြစ်ပြီး အမေရိကန် ပြည်ထောင်စုနဲ့ အခြားနိုင်ငံတော်တော်များများမှာ မိုဘိုင်းဖုန်းနဲ့ ရိုးရိုးဖုန်းလိုင်းတွေအတွက် ၀န်ဆောင်မှုတွေ ပေးနေတဲ့ ရှေ့ဆောင်ကုမ္ပဏီကြီးလည်း ဖြစ်ပါတယ်။ ဒါ့အပြင် ပုဂ္ဂလိကလုပ်ငန်းတွေ၊ လုပ်ငန်းစုတွေနဲ့ အစိုးရ အဖွဲ့အစည်းတွေအတွက် အင်တာနက်ဝန်ဆောင်မှုပေးနေတဲ့ ဒုတိယအကြီးဆုံးကုမ္ပဏီကြီးလည်းဖြစ်ပါတယ်။ ၄င်းရဲ့ကုန်အမှတ်တံဆိပ်တန်ဖိုးကတော့ ဒေါ်လာ ၇၇၈၈၃ သန်းရှိပါတယ်။

၉။ Marlboro
Marlboro ဆိုတဲ့ စီးကရက်အမှတ်တံဆိပ်ကတော့ Philip Morris International ကုမ္ပဏီပိုင် ကုန်ပစ္စည်း အမှတ်တံဆိပ်ဖြစ်ပါတယ်။ Marlboro ဟာ ကမ္ဘာမှာရောင်းအားအကောင်းဆုံးစီးကရက်အဖြစ် ဆယ်စုပေါင်း များစွာကြာအောင်ရပ်တည်နိုင်ခဲ့သလို ကမ္ဘာ့တန်ဖိုးအမြင့်ဆုံးကုန်အမှတ်(၁၀)ခုစာရင်းမှာ န၀မနေရာမှာ ရပ်တည်နေဆဲဖြစ်ပါတယ်။ ကုန်အမှတ်တံဆိပ်ရဲ့တန်ဖိုးကတော့ ဒေါ်လာ ၆၇၃၄၁ သန်း ရှိပါတယ်။

၁၀။ Amazon
Amazon.com, Inc. ကတော့ အမေရိကန်အခြေစိုက် အွန်လိုင်အရောင်းအ၀ယ်ဝန်ဆောင်မှုလုပ်ငန်းတစ်ခု ဖြစ်ပါတယ်။ Amazon ဟာ အင်တာနက်ပေါ်ကနေ စာအုပ်တွေ၊ CD တွေနဲ့ ဗီဒီယိုတွေကနေစပြီး ကုန်ပစ္စည်း အသစ်တွေရော အသုံးပြုပြီးသားတွေကိုပါ အရောင်းအ၀ယ်လုပ်နိုင်တဲ့ ၀န်ဆောင်မှုကို ပံ့ပိုးပေးနေတာ ဖြစ်ပါတယ်။ ဒါ့အပြင် Amazon ကုမ္ပဏီဟာ e-book တွေဖတ်ဖို့အတွက် Amzon Kindle အမှတ်တံဆိပ်နဲ့ e-book reader တွေနဲ့ Amazon Kindle Fire တံဆိပ် တက်ဘလက်ကွန်ပျူတာတွေကိုလည်း ထုတ်လုပ်ရောင်းချ နေတာဖြစ်ပါတယ်။ Amazon ရဲ့ ကုန်အမှတ်တံဆိပ်တန်ဖိုးကတော့ ဒေါ်လာ ၆၄၂၅၅ သန်း ရှိပါတယ်။