နှမလက်လျှော့ နေလေတော့

“နှမလက်လျှော့ နေလေတော့” (အင်းဝ စာဆိုတော်- ရှင်မဟာရဌသာရ)

ရှင်မဟာရဌသာရကို မြန်မာနှစ် (၈၃၀) ပြည့်နှစ် (ခရစ်နှစ် ၁၄၆၈) တွင် အင်းဝမြို့၌မွေးဖွားခဲ့သည်။ ငယ်အမည်မှာ မောင်မောက်ဖြစ်သည်။ မင်းဆွေမင်းမျိုးဖြစ်၍ နန်းတွင်းတွင် ကြီးပြင်းခဲ့သည်။ ၀ရစက္ကပါလမထေရ်နှင့် သီဟိုဠ်ရောက် ဆရာတော်ကြီးတို့ထံတွင် နက္ခတ်၊ ဗေဒင်၊ ဆန်း၊အလင်္ကာ၊ ပျို့ကဗျာ နှင့် ပါဠိသက္ကတ စသည်တို့ကိုသင်အံလေ့လာခဲ့သည်။ ၁၂ နှစ်သားအရွယ်ကပင် ကဗျာရေးဖွဲ့ခဲ့သည်။ ဘူရိဒတ်လင်္ကာကို ၁၆ နှစ်သားကရေးဖွဲ့ခဲ့သည်။ ရှင်မဟာရဌသာရသည် အင်းဝခေတ် ပျို့ကဗျာလောကကို ဦးဆောင်ပျိုးထောင်ခဲ့သူတစ်ဦးဖြစ်သည်။ ဘူရိဒတ်ဇတ်ပေါင်းပျို့၊ ကိုးခန်ပျို့၊ ဂမ္ဘီသရပျို့၊ သံဝရပျို့ စသည် တို့သည် ရှင်မဟာရဌသာရ၏ လက်ရာများဖြစ်သည်။ တံတားဦးတည်မော်ကွန်း ၊ပုံတောင်နိုင်မော်ကွန်း၊ ရွှေစက်တော်သွားတော်လားနှင့် ဆုံးမ စာများ၊ ရတုများကိုလည်းရေးဖွဲ့ခဲ့သည်။ နောက်ဆုံးရေးခဲ့သောပျို့မှာ သံဝရပျို့ဖြစ်သည်။ မြန်မာနှစ် ၈၉၂ ခန့်(ခရစ်နှစ် ၁၅၃၀ ခန့်) သက်တော် ( ၆၂ ) နှစ်တွင် ပျံလွန်တော်မူသည်။
ရှင်မဟာရဌသာရသည် ကိုရင်ဘ၀မှာပင် ရည်းစားရှိပြီး ပညာပြည့်စုံသောအခါတစ်အိုးတစ်အိမ် ထူထောင်ရန် ရည်ရွယ်ထားခဲ့သည်။ ရှင်မဟာရဌသာရ၏ ဆရာက လောကီတွင်နေထိုင်ခြင်းထက် လောကုတ္တရာတွင်နေထိုင်ခြင်းက ပို၍ကောင်းကြောင်းကို ဆုံးမသွန်သင်ခဲ့သည်။ ရှင်မဟာရဌသာရသည် စာတော်သူတစ်ဦးလည်းဖြစ်သည်။ လောကုတ္တရာတွင်နေထိုင်ပါက ပို၍အကျိုးရှိပြီး၊ သာသနာတော်အကျိုး သယ်ပိုးရာတွင်လည်း ပိုကောင်းမည် ဖြစ်ကြောင်းကို အကျိုးအကြောင်းပြပြီး ဆုံးမခဲ့သည်။ ထိုအခါရှင်မဟာရဌသာရသည် ဆရာဆုံးမစကားကိုနားထောင်ကာ၊ သာသနာ့အကျိုးသယ် ပိုးပြီး ရဟန်းအဖြစ်နှင့်ပင် နေထိုင်တော့မည်ဖြစ်ကြောင်း၊ မိမိကိုမမျှော်လင့်တော့ဘဲ လက်လျှော့ လိုက်ရန်ချစ်သူအား အောက်ပါ “နှမလက်လျှော့နေလေတော့” ပျို့ကိုရေးသားလိုက်ပါတော့သည်။

    (  နှမလက်လျှော့ နေလေတော့ )(ပျို့ )

၁။ ပုရေနိသင်၊ ဆက်တိုင်းကြင်၍၊ အိမ်ရှင်အစစ်၊ ငယ်ကျွမ်းချစ်နှင့်၊ ထပ်ရစ်လက်သင်၊  ထုံးစတွင်၌၊ သွေးငင်ကြမ္မာ၊ ၀ါသနာကြောင့်၊ ဆရာမိဘ၊ ကွပ်ဆုံးမလည်း၊ ချစ်စထုံးနှောင်၊ ပျော်ရအောင်ဟု၊ သန်းခေါင်မဟူ၊ အတူယှဉ်တွဲ၊ သန်လွှဲမခန့်၊ ကိုယ်သက်စွန့်၍၊ဝေးဓွန့်ခရီး၊ ချုံကြီးတောစုံ၊ ၀ါးရုံဝါးထွေး၊ သစ်ကျားဘေးကို၊ မတွေးဆံဖျား၊ မလေး စားတည့်၊ တရားသံဝေ၊ အောက်မေ့ချေသော်၊ ကြေးငွေဂဟေ၊  မစပ်လေသို့၊ စာပေတတ်ပွန်၊ သီလက္ခန်နှင့်၊ ကျမ်ဂန်သိမြောက်၊ ပဉ္စင်းရောက်က၊ ထပ်လောက်ကျင့်ဖွယ်၊အဘယ်ကြိုးစားရှာ လေတော့မည်။

၂။ လူ့မြေထိတွင်၊ ဘက်မမြင်သား၊ သန့်စင်ငယ်က၊ လက်တော်လှနှင့်၊ ချိန်းချစေ့ရေး၊မှာစာခွေကို၊ စသေလိပ်ပြီး၊ ခင်းနှီးကွက်ကျယ်၊ ပြောင်မျိုးခြယ်၍၊ ဆင်စွယ်ဝန်းယှက်၊မွေးမက်ရက်သည်၊ အသက်တို့က၊ဆက်လှာရလည်း၊ မူလသိက္ခာ၊ ဆုံးမစာနှင့်၊ ငါးဖြာဝိနည်း၊ စောင့်စည်း ပညတ်၊   အပ်တိတသွား၊ ဆံတဖျားမျှ၊ မမှားအာရုံ၊ ကာမဘုံကို၊မမြုံရချေ၊ သေငယ်သေစွ၊ ကမ္ပလွေရင်ပိုက်၊ တကိုက်လည်းကျွတ်၊ စာလက်လွတ်၍၊ ဖြစ်တတ်ဘိသည်၊ သင်္သာရှည်ခဲ့၊ ဖန်လည်ရဟတ်၊ တပတ်ပတ်လျှင်၊ အနတ္တဒုက္ခ၊ အနိစ္စလည်း၊ နှလုံးပူစွ၊ ပေးလှူ စွန့်ကြ၊ သည်ဘ၀တွင်၊ နှမလက်လျှော့၊  နေလေတော့ဟု၊ချစ်ပေါ့မကြုံ၊ ညှိုးငယ်ပုံစွ၊ ရှက်ဟုံကြေးကြုပ်၊ ချမင်းတုပ်သို့၊ စိတ်ချုပ်မဖွင့်၊ ပျံလွင်မေတ္တာ၊ ကရုဏာနှင့်၊ တဏှာလောဘ၊ ဒေါသမြှေးထူ၊ရမ္မက်မြူကို၊ ဘယ်သူနှိုးရှာလေ တော့မည်။

၃။ ဆုဝေဘိချင်၊ ငယ်ကျွမ်းဝင်နှင့်၊ သို့ပင်တာရှည်၊ ပျော်ရမည်ဟု၊ ညောင်စည်သများ၊မြို့ရှေ့ပါးဝယ်၊ ထင်ရှားကျော်ဟိုး၊ ရုက္ခစိုး၌၊ ပုဆိုးကြာညွန့်၊ ပိတ်လျှပ်တွန့်ကို၊ ဖြန့်၍တံ့ ငယ်မည်မြွက်ဟ၊ နှုတ်သံမြနှင့်၊ ခက်မတစ်ထောင်၊ ပညောင်စောင့်တတ်၊ ရှင်နတ်မြတ်ကို၊ တိုင်မှတ်သက်သေ၊ ပြုမိပေရှင့်၊ မကွေသစ္စာ၊ ၀ါသနာကြောင့်၊ ရုပ်ဝါပျိုရွယ်၊သနးဖွယ်ဘိ၊ရှေးနှယ်ကြိုးကုပ်၊ ချမင်းတုပ်နှင့်၊ ခွက်မြှပ်ခါညီ၊ နာရီမောင်းချ၊ ဒေသနမိတ်၊ သက်ကြီးဆိတ်လည်း၊ မမှိတ်မျက်တောင်၊ သည်းခေါင်ဆူလည်၊ ရှိလိမ့်မည်ဟု၊ လွမ်းသည်ထပ်ဆင့်၊ဖူးချိန်သင့်ကို၊ မျှော်လင့်ခိုးရှာ လေတော့သည်။

(အင်းဝ စာဆိုတော်- ရှင်မဟာရဌသာရ)