Mobile Phone ပေါ်မှတစ်ဆင့် အဝေးပြေးကားလက်မှတ်များကို တိုက်ရိုက်ဝယ်ယူနိုင်မည့် app တစ်ခု ဖြစ်သည်။ အဆိုပါ app သည် လက်ရှိတွင် ရန်ကုန်နှင့် မန္တလေးမြို့ရှိ ကားဂိတ်များမှ နေရာပေါင်းစုံသို့ ထွက်ခွာမည့် မော်တော်ယာဉ်များကိုသာ ဖော်ပြပေးနိုင်ဦးမည် ဖြစ်သည်။ ရန်ကုန်မှ မိမိသွားလိုသည့် မြို့များ၊ မန္တလေးမှ သွားလိုသည့်မြို့များကို ရွေးချယ်ကာ မိမိသွားလိုသည့်မြို့သို့ ပြေးဆွဲသည့် နှစ်သက်ရာ ယာဉ်လိုင်းများကို ရွေးချယ်၍ လက်မှတ်များကို မှာယူနိုင်မည်ဖြစ်သလို မိမိထိုင်လိုသည့် ထိုင်ခုံကိုလည်းရွေးချယ်၍ မှာယူ နိုင်မည် ဖြစ်သည်။
ထို့ပြင် မော်တော်ယာဉ်စီးနင်းခကို အဆိုပါ app တွင် ဖော်ပြပေးထားပြီး ထိုင်ခုံအလွတ်များကိုလည်း ကြည့်ရှုနိုင်မည် ဖြစ်သည်။ အဆိုပါ app ကို သုံးစွဲရန်အတွက် အင်တာနက် ကွန်နက်ရှင် လိုအပ်မည်လည်း ဖြစ်သည်။ download ပြုလုပ်လိုသူများအနေဖြင့် Play Store တွင် အခမဲ့ download လုပ်ယူနိုင်မည်ဖြစ်ပြီး download ပြုလုပ်ရမည့် ဖိုင်အရွယ်အစားမှာ 5.9MB ခန့် ရှိမည်ဖြစ်သည်။ Android version 4.0 နှင့်အထက်တွင် ထည့်သွင်းအသုံးပြုနိုင်မည် ဖြစ်သည်။
Myanmar Kyat Exchange Rate
0 comments:
Post a Comment